|
کمق(کموک تورکلری)
یک شنبه 3 آبان 1394برچسب:, :: 18:28 :: نويسنده : گودرز غلامی
شمردن مهلت آلیب شاه شهیدان بۇ گئجه اي آهــوي دشــت بــلا آغــلار رقــيــم آغـلامـا اي غنچه تك سولمـوش بالا آغـلار رقـيـم آغـلامـا عـمـه ن بـلور دردیـن نـدن اي بلبـل صـدرحسـيـن يـانديـرمـا بـو بيچاره ني ايتمه بـوقدري شوروشين دشـمـن ايدوب بـو گوشه ويرانه ده حدسيز كميـن اولـدوخ اسـيـر اشـقـيـا آغــلار رقـيـم آغــلامــا شـبــه پـيـمـبـر قـانـنه الوان اولوب ياندي دليم یـتــدی خـزان غـم بـالا گلـزاريده سولدي گليـم يــوخـدور گلستانـدا صـفـا اولـدي قفسده بلبليـم شــمـردنـي ايـلــر جـفــا آغـلار رقـيـم آغـلامـا قاسم جـوان اولدي گونوم ياسه دونوب قان آغلارام اولدي آناسـی قاره پوش هجـرينده سينه داغـلارام من حشره جـن اولام غمين باشه قراسین باغـلارام اولـدوردي قــوم بـيـحـيـا آغــلار رقـيـم آغـلامـا اولـدوردي قــوم دون بالا عـبـاس تك قارداشيمي قـولارينـي سـالـدي عدوقان ايلـدي گـوز ياشيمـي قان ایچره جـان وردي سوسوز سالدي بلايه باشيمي بـوشـامـده يـــوخ آشـنـا آغــلار رقـيـم آغـلامــا دعـوت ايـدوبـلـر كــوفـيـان كـرب وبلايه ميهمـان اوخـلاديـلار گـل اصـغري قديم اولوب غمدن كمان بیچدی بوغازين تيـرتيز اصغرويروب لب تشنه جـان بـوكـوفـيـانـدا يــوخ وفـا آغــلار رقـيـم آغـلامــا كسـدي حسـيـنـون باشني شـمر جـفاجـو از قـفـا اوز سـاربانــي الـلـرين كسدي ايـدوب جـور و جـفا سـوندان ويــروبـلار خيميـه اوت كوفيـان بي حيـا عـمـن اولــوبــدور بـيـنـوا آغـلار رقـيـم آغـلامـا ويـرانه ده ويـردي بيـزه مـنـزل بـوگـون قوم عـدو جمـع پـريشـانه وروب قمچي بـو شمـر كينـه جـو بـو شـاميـاندا يــوخ بـالا بيـر قطـره شــرم و آبـرو چــوخ ايـلـمـه سـن آه و وا آغـلار رقـيــم آغـلامـا شـمـردنـي سـيلي ويـروب قانه دونوبدور گوزياشيـم جان ورديلر عطشان بالا بوچولده يوخدي قارداشـيـم كـربـوبــلادن كـوفـيـه دوزدي بـلايـه بـو بـاشـيـم جسـمـيـمده وار حـدسـيـز يـارا آغـلار رقيم آغلاما بـو واعـظـي آغـلار سـنـه دنـیـاده هـر صبـح و مسا ايـسـتـه گلـه ويـرانـيـه دلـدن سـنـه قـان آغـلـيـا كـربـوبـلا تـوپـراقـيـنـا گـلسـون زيـارت ايـتـمـاقـا اول شــافـعـی روز جــزا آغــلار رقــيـم آغــلامــا
منبع: دیوان ناله رقیه سلام الله علیها احد واعظی هریسی
اصغریم ای شیرین زبانیم
......................... سردار سر و قامت لبیک یا ابوالفضل تندیس استقامت لبیک یا ابوالفضل **** یا ابالفضل آدی گوزل اوزی گوزل یا ابالفضل سو اوسته عطشان جان ورن - یا ابالفضل یا ابالفضل
ای باده ی ولانین کوی بلاده مستی جان وئر ماقی لب عطشان معنای می پرستی ای یاره جان متاعین تقدیم ائدن دو دستی مست می ولایت لبیک یا ابوالفضل تا نام سروری وار تا روح داوری وار تا عرصه ی وفاده یاد دلاوری وار هاردا آدون گتورسم واللهی مشتری وار ئولمز وقار و غیرت لبیک یا ابوالفضل سن نفس ادعانی میداندا خوار ائدوبسن اغیار ایچینده جانین قربان یار ائدوبسن جانان ایاقی آلتدا قانین نثار ائدوبسن ای مظهر ارادت لبیک یا ابوالفضل یتدون کنار نهره باشدان سو فکرین آتدون سو بیر اووج گوتوردون لب وورمادون بوشاتدون یاد ایلدون حسینی غافللری اویاتدون به به بودور صداقت لبیک یا ابوالفضل عاشق گرک وفاده الهامی سندن آلسین سالک یولوندا پیغامی سندن آلسین ساقی ئوپر الوندن تا جامی سندن آلسی ای ساقی محبت لبیک یا ابوالفضل گلدوق کرمسرایه خوان کرم سنوندی وئر اذن محرمیت مولا حرم سنوندی سو آخسا قول کسیلسه مشگ و علم سنوندی قامت ائدر قیامت لبیک یا ابوالفضل ای ماه چهره . ماه تابان اولار مریدون بیر جلوه ائتسن اهل کنعان اولار مریدون تقوا و معرفتده سلمان اولار مریدون سنسن مراد امت لبیک یا ابوالفضل چهار شنبه 22 مهر 1394برچسب:, :: 18:39 :: نويسنده : گودرز غلامی
ای شیعه حسینون گینه باشلاندی عزاسی بو غمده تؤکر گؤزیاشی رخساره آناسی عشق اهلی گئییب قاره اوره‌کلرده الم وار آغلیر هامی گؤز یاشی تؤکور محنت و غم وار هر یئرده غم آثاریدی بیر قاره علم وار وار علتی یاغمور کیمی غم اوسته یاغیر غم ذی‌حجه چیخیب تازه‌لنیب ماه-ی-محرم بو غمده حسینی‌لرین هر آن گؤزو آغلار دیللرده حسین وای اولو هردم سؤزو آغلار باشیندا قارا حضرت-ی-زهرا اؤزو آغلار جنتده قوروب اوغلونا بیر مجلیس-ی-ماتم گؤز یاشی تؤکر حضرت پیغمبر-ی-خاتم بو آی دوشوب ای شیعه حسین باشی بلایه بو آی یئری وار کون-و-مکان گلسه نوایه قوناق چاغیریبلار او شهی کرب-و-بلایه چوخ نامه یازیب کوفه‌لیله‌ر دعوت ائدیبلر قوناق چاغیرانلار نئجه گؤر حورمت ائدیبلر ازل ازونه سو یولونو باغلادی اعدا سولدو سوسوزوندان سارالیب گولشن-ی-طاها بولبول کیمی گلدی بالالار نالیه اما موج ائتدی فراتین سویو صحرالره آخدی خیردالار بالالار آغلادی حسرت گؤزو باخدی اسدیریدی سموم-ی-ستمی لشکر کینه یاندی سوسوزوندان گول-ی-گولزار-ی-مدینه بنزه‌ردی ساری بیر گوله روخسار-ی-سکینه اوخشاردی علی اصغره دیلده سؤزو ای وای آغلاردی دییه‌ردی سود امه‌ر قارداشا لای لای نه تک سو یولون باغلادیلار فرقه-ی-عدوان اوچ گون دئمیره‌م اهل-ی-حرم قالدیلا عطشان اما دئییره‌م وئردی حسین اکبری قوربان دوغراندی او صحراده سوسوز مظهر-ی-طاها وار حقی تؤکه گؤز یاشینی قبریده لیلا عباسیده یوز قویدو فراته سو گتیرسین لب تشنه‌لرین زخم-ی-دلین بلکه بیتیرسین بیر مشک سو، قوروموش لب-ی-اطفاله یئتیرسین سو وئرمه‌دی شام اهلی گؤزو اشکیله دولدو اوخلاندی سو مشکی ایکی قوللار قلم اولدو بیر یاره دگیب اولمادی یاراسی قیامه اتدان نئجه دوشدو یازا شرم ائیلیری خامه تؤکدو گؤزونون یاشینی اوز توتدو خیامه عرض ائیله‌دی قان ائتدیله گؤز یاشیمی قارداش تئز گل کسیر اون یئددی نفر باشیمی قارداش چهار شنبه 22 مهر 1394برچسب:شعر ترکی, :: 18:38 :: نويسنده : گودرز غلامی
بو مشکه دگن اوخ منی مایوس ایلدی چوخ ای کاش دگئیدی گوزومه مشکه دگن اوخ بستئیدی حیاتیم بو سووا جاندان اوساندیم سو مشگیمه اوخ دگدی اوزوم جانه دایاندیم اصغر عطشه من شرر خجلته یاندیم ای کاش دگئیدی گوزومه مشکه دگن اوخ من جان بکفم وقفدی بو جانیم حسینه یوخ باکیم ئولومدن ولی ای لشکر کینه ویر موشدی منه بو قوروموش مشگی سکینه ای کاش دگئیدی گوزومه مشکه دگن اوخ گوردوم عطشندن سارالوب صورت اصغر پوزدی پوزولان حالتیمی حالت اصغر آز یاره ویرون بسدی منه خجلت اصغر ای کاش دگئیدی گوزومه مشکه دگن اوخ چون اهل وفا کوی وفاده منی یوخلار تصدیق ویروب احسن ائدر عشقنه چوخلار بیر گلشن فردوس ایلیوب سینمی اوخلار ای کاش دگئیدی گوزومه مشکه دگن اوخ اوخ جسمیمه مایلدی منیم من اوخا مایل بو اوخ نیه بس گتدی خطا اولمادی حایل مشگ اوسته دگوب زحمتیمی ایلدی زایل ای کاش دگئیدی گوزومه مشکه دگن اوخ جان ویرماقا جانانه بوگون تا هوسیم وار داد ائتسم حسینیم کیمی بیر دادرسیم وار عجز ایلمرم دشمنیمه تا نفسیم وار ای کاش دگئیدی گوزومه مشکه دگن اوخ لایق دگیل هر چند بو جان بو باش حسینه اما منی ایتمیشدی آتام یولداش حسینه من نوکرم هزگز دگلم قارداش حسینه ای کاش دگئیدی گوزومه مشکه دگن اوخ چوخ سعی و تلاش ایلدیم آخر اوز ایشیمده قردیم نقدر دشمنی بو بیر یریشمده قول گتدی دیردیم آپاروم مشگی دیشیمده ای کاش دگئیدی گوزومه مشکه دگن اوخ تا سو اله گلدی غم و دردیم آزالیشدی مین همتیمون ضدینه بیر تیر آلیشدی سو آخدی گوزوم باخدی اورک یاندی آلیشدی ای کاش دگئیدی گوزومه مشکه دگن اوخ سو وعده سینه چونکه دیمیشدیم گوزوم اوسته تا سو واریدی من واریدیم اوز سوزوم اوسته قالسیدی سوقولسوز سورونردیم یوزوم اوسته ای کاش دگئیدی گوزومه مشکه دگن اوخ مین جانیم اولا ویرماقا بیر ذره یوخ اکراه لازمدی اولا باشدا نثار قدم شاه قول گتدی باشیم قالدی بو دور علت دلخواه ای کاش دگئیدی گوزومه مشکه دگن اوخ بولمم یترم آخر عمرومده مرامه لطفیله گلور شه اوزو دیدار غلامه خوشدور بو باشی اوندا قویام پای امامه ای کاش دگئیدی گوزومه مشکه دگن اوخ هر چند چوخالدوقجا یارا خجلیت آزالماز اما آزالور اوخ چوخی مندن صورا قالماز دشمنده قالان اوخ مگر آراممی آلماز ای کاش دگئیدی گوزومه مشکه دگن اوخ چوخ سعی ایلدیم من بو سووون حفظنه مطلق شاهد سوزومه بو کسیلن الدی بو بیرق مقصود دله اولمادیم افسوس موفق ای کاش دگئیدی گوزومه مشکه دگن اوخ (شانی ) اوزووی صدقیله بو درگهه سالدون مقصود دلون حضرت عباسدن آلدون صد حیف بیر حسرتده او سرور کیمی قالدون ای کاش دگئیدی گوزومه مشکه دگن اوخ چهار شنبه 22 مهر 1394برچسب:, :: 18:37 :: نويسنده : گودرز غلامی
تک نه شیعه‌لر بۇ، غمده سینه داغلار فاطیمه سێزێلدار، اشک عذاره باغلار ذکر ائده‌ر دمادم، دای حسین وای آغلار اوْغلۇنۇن عزاسینده، غملی ماجراسینده آغلار اؤز آناسی (2) دل دۇلۇر بۇ آیدا، وصف-ی-غم‌فزادور هر یانا باخێرسان، مجلیس-ی-عزادور وار اساس-ی-ماتم، هر طرف قرادور قاره‌پوش اوْلۇب عالم، شیعیان دۇتۇب ماتم واردێ غم اساسی (2) اؤزگه عالم اوْلمۇش، بۇ مه-ی-عزاده چوْخ اسیر نسیم-ی-درد-وْ-غم فضاده نغمه‌ی-ی-حسینی، واردێ کربلاده قان اوْلۇب بۇ آی دیل‌لر، تئشنه لب سوْلۇب گۆللر قالمایێب صفاسی (2) اوْلسا هانسێ یئرده، گر حسین صداسی گلسه هانسێ ائوده‌ن، وای حسین صداسی یوْل سالار اوْ بزمه، فاطیمه آناسێ سسله‌نر حسینیم وای، نور-ی-دوعئینیم وای سینه‌ده نواسی (2) فاطیمه سێزێلدار، گؤزده قان‌یاش آغلار عاریضه آخار چۆن، اشگی بیرباش آغلار سس وئره‌ر بتوله، جومله داغ داش آغلار غم آشێب داشێب باشدان، هئی گلیردی داغ داشدان وای حسین صداسی (2) اوْخ آتارلا سقّا، اۆسته دسته-دسته ائیلییه‌رله ساقی، جامینی شیکه‌سته قوْللارێن سالارلار، نهر-ی-علقم اۆسته جان وئره‌ر فرات اۆسته، تئشنه لب اوْ دل خسته سینه‌ده یاراسێ (2) شاه-ی-دین الینده، شیرخواره اصغر تئشنه‌لب سوْلار چۆن، غۆنچه‌ی-ی-گۆل-ی-تر اوْخ بیچه‌ر اوْ نازیک، حلقینی سراسر قان دۇرار دوداقێنده، شاه-ی-دین قۇجاغینده جان وئره‌ر بالاسێ(2) دوْغرار اهل-ی-کوفه، اکبر-ی-جوانی نه جوان، نه اکبر، لئیلی‌نین توانی قانێ گۆلشن ائیله‌ر، دشت-ی-نئینوانی زولفه قان یاخار لئیلا، اکبره باخار لئیلا دیلده وای بالاسێ (2) چوْخ یارا وۇرارلار، قاسم-ی-جوانه کاکُلین بوْیارلار، ظۆلم الیله قانه آغلایار آناسێ، گۆنده یانه-یانه سسله‌نر جاوانیم، سینه ده توانیم چوْخ اوْلان یاراسێ (2) اوج ائده‌ر سپهره، آه-وْ-وای-ی-زینب نئینوانی چۇلقار {؟}، چوْخ نوای-ی-زینب هم اوْلار آناسێ، همصدای-ی-زینب سسله‌نر قێزێن زهراء، سس سسه وئره‌ر زهرا سینه ده نواسی (2) سه شنبه 21 مهر 1394برچسب:شعر محرم, :: 20:14 :: نويسنده : گودرز غلامی
گنه یاران داشدی بحر بلا، شاه کرب و بلا، یاسی باشلاندی خانم زهرا سالدی باشه قرا، سیدالشهدا، یاسی باشلاندی محرم گلدی عزا گلدی یره گوگلردن صدا گلدی یا حسین مظلوم(2) چکوب قاره آسمانه ملک ساکنان فلک نوحه خوان اولدی سماواته ناله سالدی طنین قلبی فاطمه‌نین لخته قان اولدی بو ماتمده یاندی قلب نبی نازدانه سی بی‌آشیان اولدی آچوب باشین یکسر اهل سما خمسة النّجبا یاسی باشلاندی محرم گلدی عزا گلدی یره گوگلردن صدا گلدی یا حسین مظلوم(2) معابرده صف چکنلره باخ سینه زنلره باخ سینه داغلولار دوشوب شیعه بحر درد و غمه مسجده علمه قاره باغلولار سالوب یاده فاطمه بالاسین قلبینون یاراسین باهم آغلولار دیور زهرا جان یارالی بالا شاه ملک ولا یاسی باشلاندی محرم گلدی عزا گلدی یره گوگلردن صدا گلدی یا حسین مظلوم(2) ورور باشه عاشقان علی شیعیان علی بو مصیبتده علی سسلور سیندی بال و پریم اودلانوب جگریم نار محنتده چخوب عرشه سوز آه حسین خیمه‌گاه حسین یاندی غارتده امان ای دل ایله آه و نوا چون ولی خدا یاسی باشلاندی محرم گلدی عزا گلدی یره گوگلردن صدا گلدی یا حسین مظلوم(2) بو آیدا هر کیم نوایه گله آه و وایه گله خوار و زار اولماز قیامتده اعتباره چاتار افتخاره چاتار اشگبار اولماز ئولن وقته صاق صولا دولانوب نار هجره یانوب انتظار اولماز گوزوم آغلا یاری ایله رضا چون شفیع جزا یاسی باشلاندی محرم گلدی عزا گلدی یره گوگلردن صدا گلدی یا حسین مظلوم(2) مناجات کلامی، حاج ولی الله کلامی زنجانی
سه شنبه 21 مهر 1394برچسب:اربعین, :: 20:13 :: نويسنده : گودرز غلامی
ور گلمیشم زیارته آرام جان حسین عطشان یاتان مزاریده جانیم اویان حسین دور زینبم حسین دور زینبم حسین هجرون شرار ناری ائله یاندیروب یاخوب بو آئیریلیق علی قیزینی تابیدن سالوب قول باغلی نیزه‌لر دالیجا چوخ دولانمیشام باخدوقجا نیزییه اورگیم اُوت دوتوب یانوب مدّتدی آئیریلوبدی باجون گول عزاریدن دور بیر گوروم عزاریوی قارداش کناریدن من آئیریلاندا قانه بلشمیشدی صورتین دور بیر سیلیم جمالیوی خون و غباریدن گوردیم بو گول‌ستانی اوزاقدان دایانمادیم سرعت وئروبدی مرکبه بیرآن یوبانمادیم آلدیم شمیم عطریوی بیردن نسیمدن دوشدیم ترابه مرکبین اُوسته دورانمادیم بلبل مثالی گلشن اوچون بال و پر آچوب وصله چاتام حسین بئله گلزاره یول سالوب تاب و توانی وئرمیشم الدن گورن کیمی گاهی ییخیلمیشام سورونوب گه دوروب قاچوب عریان قویوب بوچولده سنی گئتمیشم حسین جان آلمیشام گهی، گهی جان وئرمیشم حسین باشین ووراندا نیزییه عدوان یانمیشام گه صبر ائدوب عتابه گهی گلمیشم حسین قالدی بالان رقیّه حسین شهر شامیده گئتدی بو غمله دلده اولان صبر شامیده اُول گون که وئردی جان غم هجرانیدن بالا ویران سراده قازدیم اونا قبر شامیده گوزدن آخور عزاریمه قان یاش اویان حسین قویدون بو غمله تک منی یولداش اویان حسین دور باخ بو زلفلری آغاران غملی زینبه هجران قوجالتدی زینبی قارداش اویان حسین ایمدی دولور بو گوزلریمون جامی قانیلن دلدن شراره قالخیر حسین خون فشانیلن دوشسون سسیم گلنده فغانه بو چوللره گلسون آنامدا بزم عزایه فغانیلن آغلار وقوع حالی قلم‌لر یازان زمان قانه دونر مزاریوه گوزلر باخان زمان اُولموش اُوقدر جور و جفا قارداشیم حسین محزون ائدر اورکلری شرحین آلان زمان دور زینبم حسین دور زینبم حسین سه شنبه 21 مهر 1394برچسب:شعر محرم, :: 20:7 :: نويسنده : گودرز غلامی
سلام من به محرم سه شنبه 21 مهر 1394برچسب:نوحه ترکی, :: 6:22 :: نويسنده : گودرز غلامی
مرحوم هادی تبریزی منشور عاشورا جلد سوم – 276
شاه عطشانی عدو بس تیر باران ائیله دی دوالجناح اوسته ن سقوط اول شاه-ی-عطشان ائیله دی
وار یئری قان آغلاییب آهی چکم آه اوستونه هر طرفدن یوز قویوب اعدای دین؛ شاه اوستونه اوخ اوخ اوسته ن یاغدیریبلار حجت الله اوستونه سن دئمه حالین رعایت قوم-ی-دونان ائیله دی
تا وئره عزت شه دین؛ کربلا صحراسینه آشنا ائتدی ترابی صورت-ی-زیباسینه قتلگهده غرقیدی هرچند قان دریاسینه آننینی قویدو ترابه شوکر-ی-یزدان ائیله دی
درد-ی-عشقونده الهی واردی مین لرجه صفا لوطف-ی-دردوندن تاپیب آیینه-ی-جانیم جلا سن عنایت ائتدین اولدو عهدیوه مندن وفا تا شهید انصاریمی بو قوم-ی-عدوان ائیله دی
لذّت-ی-دیداریله نه اصغریم نه اکبریم افتخاریمدیر یولوندا اولدو شان شان پئیکریم دلخوشام بوندان کی عئشقونده اولوب قان بستریم موشکل-ی-وصلی حسینه لطفون آسان ائیله دی
قادر-ی قهاریدن خوف ائتمه ییبلر بیر زامان دور –ی-شاهی آلدی یکسر شامیان و کوفیان دللری مملوّ –ی-کینه الده شمشیر و سنان ائتدیلر بیر ظولم، زهرا آه و افغان ائیله دی
مضطر منشور عاشورا – جلد سوم ص 309
ائی شه –ی مظلوم حسین وای وای بی کس و مغموم حسین وای وای
کرب و بلا مولکی سنه عرشیدی ایستی قوم اوستو قورو یئر فرشیدی زینب ون اؤلسون بو نئجه نعشیدی ائی شه –ی مظلوم حسین وای وای
اؤلدو بو صحراده علی اکبرون ظولمیله اوخلاندی علی اصغرون قانه باتیب ظولمیله گول پئیکرون ائی شه –ی مظلوم حسین وای وای
قوم-ی-عدودن سنه وار دور گله قلبیمه اود ووردو منیم حرمله عرض ائده رم گر دوشه فورصت اله ائی شه –ی مظلوم حسین وای وای
آل-ی-رسوله یئیشیب چوخ ستم یاندیریری قلبیمی بالله بو غم اولموش علمدار قولو چون قلم ائی شه –ی مظلوم حسین وای وای
قویدولا یالقیز سنی قوم-ی-ظلم ظولمیله قانه بویانیبدی علم قوللاری عباسین اولوبدور قلم ائی شه –ی مظلوم حسین وای وای
دیوان کاتب- ص 282
عرصه-ی- حشره حسین قانینه غلطان گله جئک ائتمه گه شیعه لرین دردینه درمان گله جئک
دؤنه جئک روی زمین کوره-ی-حداده او گون اهل-ی-محشر گله جئک ناله و فریاده او گون بیر بئله وقته حسین دیر یئته ن ایمداده او گون جمله مجریملر اوچون شافع-ی-عصیان گله جئک
بیر طرفده ن وراجاق باشلاری الده شهدا بیر طرف صف چکه جئک قوللاری باغلی اسرا قویاجاق عرصه گه-ی-حشره قدم خیرالنّسا حقدن ایسته یه جئک عدلیله دیوان گله جئک
دوتاجاق الده حسینین او کسیک اللرینی بجده لین کسدیگی انگشت ایله انگشترینی ایکی قوللاری ابالفضل-ی-وفاپرورینی آیری محشر ائده جئک خلقه نمایان گله جئک
دوتاجاق قائمه عرشی او خواتون-ی-جزا دییه جئک بار خدایا بو حسین بو شهدا غفو قیل هرکیم عزا ساخلاییب عالمده بونا تعزیه داریلره مژده-ی-غفران گله جئک
انتقام ایسته جئک حضرت زهرا او زامان تا معذب اولالار خصملری پیر و جوان خولی و حرمله و شئمر و عمرسعد و سنان دمبدم اونلار اوچون شعله –ی-نیران گله جئک
کاتبا غم یئمه گر اولسا گناهون نه قدر اولی شافع سنه اول پاده-ی-تئشنه جیگر ثبت قیل دفتره محنتلرینی شام و سحر تا الینده محشر گونی عنوان گله جئک
دیوان کاتب – 304 مناجات شوری امام
دوشدو آت اوسته ن یئره شافع-ی-یوم –ی-حئساب عرش-ی-برین سؤیله دی، لیتنی کنت تراب
نئیزه دگیب اوخ دگیب اول بدن-ی-پاکینه دوشدو گونون ایستی سی پئیکر-ی-صدچاکینه قویدو مبارک یوزون کرب و بلا خاکینه گرم مناجات اولوب او شه-ی-مالک رقاب
عرض ائله دی ائی خدا بو من و بو کربلا بو شهدا بو فرات بو صف قوم دغا من سنیله ائتدیگیم عهدیمه قیلدیم وفا سنده وفا قیل اؤزون عهدیوه یا مستطاب
شوقیله وئردیم فدا یاور و انصاریمی عفو ائله بو حالیمه جمله عزاداریمی آتلی پیاده گله ن قبریمه زوّاریمی قویما محبّیم گؤره حشر گونینده عذاب
دوغراسالار هر قدر پئیکریمی راضیم شئمر سوسوز ذبح ائده حنجریمی راضیم قطع ائلییه ساربان اللریمی راضیم شایقم هر ظلم ائده قوم-ی-عدو بی حساب
یوخدو سؤزوم هر قدر بو بدنیم دوغرانا راضیم ای دوالجناح خئیمه لریم اودلانا آل-ی-علی قول قولا بیر ایپیله باغلانا بزم-یزیده گئده جمله سی قولدا طناب
یئرده کفن سیز قالا اوچ گونه دین پئیکریم شامه گئده ظلمیله نئیزه باشیندا سریم شئمره اولا دستگیر عترت غم پروریم ائتمییه محشر گونو شیعه لریم اضطراب
صفحه قبل 1 صفحه بعد
حدیث موضوعی
موضوعات
آرشيو وبلاگ
لیگ برتر ایران
آمار بازدید
|
||
 |